Formandu Lale’an Tolu Timor-Leste nain 2 konklui ona estájiu iha Ministério Transportes e Comunicações

Sesta, 09/09/2022, formandu Lale’an Tolu Timor-Leste, Claudina G.Sarmento no Fátima de Oliveira Rodrigues konklui ona estájiu iha Ministério Transportes e Comunicações , Diresaun Jerál Administrasaun Finánsas (DGAF), iha Caicoli, Dili, Timor-Leste.

Diretór Jerál Administrasaun Finánsas, Sr. Albino Maia dehan “Ministériu Transporte no Komunikasaun sei kontinua mantein nafatin koperasaun ho organizasaun naun governamentál LTTL hosi prepara foin-sa’e atu aumenta koñesimentu edukasaun ne’ebé kualidade hodi hola parte iha dezenvolvimentu Nasaun”.

Manajér Programa LTTL, Francisco da Silva Barreto “Agradese ba Ministériu Transporte no Komunikasaun nebe simu Estagiado durante fulan rua nia laran hodi aprende kona-ba àrea Administrasaun no Finanças nudar bukae iha Futuro”.

Fátima de Oliveira Rodrigues nu’udar estajiada, nia agradese ba oportunidade tanbá bele hetan esperensia servisu iha Ministériu Transporte no Komunikasaun hodi aumenta nia abilidade profesionál iha Àrea Administrasaun no Finánsas”.

Iha enseramentu ne’e hetan partisipasaun hosi Xefi Gabineti DGAF Sra. Esperança Maia no Diretór Rekursu Umanu Sr. Nuno Alves.

**LTTL hakarak agradese ba MTK, DGAF ne’ebé mak kopera ona ho organizasaun LTTL hodi apoiu Timoroan sira ba faze preparasaun abilidade ba futuru hodi hametin liután estabilidade ba dezemvolvimentu nasaun nian.

#FotoMídiaMTC