Diretór Ezekutivu, P. M. Babo hatete “Organizasaun ne’e
hamri’ik la’ós atu buka lukru maibé hakarak atu halibur maluk foinsa’e hotu atu
aprénde hodi bele compete iha merkadu servisu. Maski LTTL hamri’ik iha situasaun
defísili tebes tanbá hasoru pandemia global covid-19 hodi implika ba atividade
formasaun maibé hakarak hamri’ik nafatin atu lori foinsa’e sira ba hasoru
fronteira moris”
Iha serimónia ida ne’e, graduante
hamutuk 72 ne’ebé kompostu hosi Programa Administrasaun Edifísu, Finánsas no
Komputasaun, Inglés Pakote 2, Inglés Pakote 1, Portugés, no Ospitalidade.
Sra. Claudina Soares Pinto hanesan
Xefia ba Programa Nasionál Dezemvolviemntu Suku (PNDS) hanesan mós
reprezentante inan-aman husu ba graduante “imi tenki foti oportunidade ne’e ho
di’ak hodi aprende tanbá iha edifísiu hotu ema presiza liu-liu ema ne’ebé esperiénsia
serbisu. Nia mós salienta katak nia prontu halo koperasaun ho LTTL no husu
estudante balun ne’ebé aprende ona atu bele servisu voluntáriu iha Programa
relevante iha edifísiu nasionál nune’e mós servisu iha báze iha tempu badak”
Reprezentante hosi Organizasaun
Juventude Intelektuál Foinsa’e, Sr. Orlando da Silva Casimiro hatete “ispíritu
ida ne’ebé mak iha mantein nafatin hodi aprénde nune’e bele la’o ho fiar ida
katak loron ruma imi sei hamri’ik mesak”
Tuir Graduante, Clara Sarmento
Monteiro tenik “Liu- hosi sertifikadu ida ne’e, ajuda ha’u sai ema ne’ebé ble ona hamrik msak hodi compete iha kampu de
traballu nian no ida ne’e ajuda tebes ha’u fásil liután atu buka servisu rasik.
Iha sorin seluk, Sergio Madeira Dos Santos hato’o “Obrigadu no agradese ba
diretór ezekutivu LTTL no mós formadór hotu ne’ebé mak fahe ona sra nia esperiénsia
mai ami durante fulan 5”
Iha Okaziaun ne’e, LTTL hakarak
agradese ba parseiru sira ne’ebé mak servisu hamutuk hanesan Timor Top, PNDS,
MTC, Incanto, Parlamentu Nasionál, nsst ne’ebé bele apoia estudante sira hosi
hala’o estájiu ho diák.
LTTL hakarak agradese mós ba inan-aman
ida-idak ninia apoiu hodi haruka ona oan sira ba aprende hamutuk ho LTTL
durante fulan 5 nia laran no ikus mai sira mós nafatin akompaña no partisipa iha
serimónia ida ne’e to’o remata.
Ikus liu, ho onra boot LTTL
hakarak agradese ba ekipa komisaun organizadora ba graduasaun II ninia
preparasaun ba serimónia ne’e to’o remata ho susesu.
******
#EkipaMídiLttlClub
0 Comments:
Posting Komentar